| საიტის მენიუ |
|
 |
| სექციის კატეგორიები |
|
|
| ჩვენი გამოკითხვა |
|
|
| სტატისტიკა |
სულ ონლაინში: 1 სტუმარი: 1 მომხმარებელი: 0 |
|
| შესვლის ფორმა |
|
|
|
 | |  |
|
მთავარი » 2009 » ნოემბერი » 2 » ღირსი ლავრენტი ჩერნიგოველი ანტიქრისტესა და უკანასკნელ ჟამზე
0:39 AM ღირსი ლავრენტი ჩერნიგოველი ანტიქრისტესა და უკანასკნელ ჟამზე |
- საჭიროა ფხიზელი და ფრთხილი იყო, რამეთუ ანტიქრისტე უკვე ახლოა. შეხედეთ, რაოდენ ბევრია წინასწარმეტყველება ჩვენს უკანასკნელ საუკუნეზე და არცერთი მომდევნოზე! იქნებ იმიტომაც, რომ მომავალი საუკუნე აღარ დადგება? ჩვენი დრო განსაკუთრებულია... ნუ გაიკვირვებთ, როცა გაიგებთ, რომ ტაძრებში ისე აღარ ლოცულობენ. თავდაპირველად იტყვიან, რომ ფსალმუნები აღარ იკითხონ, შემდეგ - ჟამნები. უფალი მოითმენს-მოითმენს და მერმე იფეთქებს! მეორედ მოსვლა შორს აღარაა!
როდესაც განკითხვის დღე დადგება, იგი იმდენ ხანს გაგრძელდება, რაც სჭირდება ექვსფსალმუნის გალობას... ახლა ყველას სული სხეულით აქვს დაფარული, სამსჯავროზე კი სხეული იქნება სულით დაფარული.
ერში ყველა როდი წარწყმდება, ისევე როგროც მონასტერში ყველა არ ცხონდება! მონასტრის მონაზვნები და სამონაზვნეები მეშვიდე ცაში იქნებიან, მაგრამ რა ელოდებათ ქალწულებს, რომლებიც ერში იქნებიან? აი, ამ სქემონაზვნებს ეტყვის უფალი, რომ ამ ფარულ ქალწულებს ადგილი დაუთმონ და ეს უკანასკნელნი მათზე ბევრად უფრო წინ წარდგებიან! ეს ფარული ქალწულნი, რომელნიც ერში არიან, ღვთის წინაშე მონასტრისებზე მაღლა დადგებიან!
უკანასკნელ ჟამს ბევრი ადამიანი დაავადდება თავით, მაგრამ თუ ბოლომდე დაითმენენ, ცხონდებიან!
ერთხელ ლავრენტი ჩერნიგოველმა ტირილით თქვა, რომ მღვდელმთავრები ცოტა გვყავსო. დედებმა საეკლესიო კალენდარი გადაშალეს და თავიანთ მოძღვარს უთხრეს:
- აი, მამაო რამდენი მღვდელმთავარი გვყავს.
- არა, - უპასუხა ლავრენტიმ, - მე მხოლოდ ოთხს ვხედავ; იქნება მეხუთეც. დგება უკანასკნელი ჟამი, როდესაც სასულიერო პირთ გაიტაცებს ამქვეყნიური ამაოება და სიმდიდრე: ექნებათ მანქანები და აგარაკები, ივლიან კურორტებზე, წაერთმევათ იესუს ლოცვა! ისინი სულაც დაივიწყებენ მას! შემდეგ ისინი თვითონ გაჰყვებიან იმ გზას, რომელზეც არ უნდა იარებოდნენ და სულმოკლეებსაც აიყოლიებენ! თქვენ კი ბრძენნი და განმსჯელნი იყავით. მათ ლამაზ სიტყვებს უსმინეთ, ხოლო მათსავე საქმეებს ნუ მიჰბაძავთ!
უკანასკნელ ჟამს ცხონება ძნელი არაა, მაგრამ ბრძნული. ვინც ყველა ამ ცდუნებას გადალახავს, ცხონდება! პირველთა შორის იქნება. უწინდელნი იქნებიან ვითარცა მნათობნი, ხოლო უკანასკნელნი - როგორც მზე.
როდესაც ვისმე სასულიერო პირად ხელს ასხამდნენ, ღირსი მამა მწარედ ტიროდა. მონაზვნებს კითხვაზე: ასე რატომ სტირიო, სევდიანად პასუხობდა:
- ამ სამღვდელოთაგან უდიდესი უმეტესობა თავისი უდები და მცონარე ცხოვრების გამო წარწყმდებიან! ისინი უღალატებენ წმ. ეკლესიას და ხალხსაც გაიყოლიებენ. არ იფიქრებენ თავიანთ ცხონებაზე, მეტადრე სხვებისა.
ანტიქრისტეს გამეფებამდე ცოტა ხნით ადრე დაკეტილი ტაძრებიც გარემონტდება და არა მხოლოდ გარედან, არამედ შიგნიდანაც. მოაოქროვებენ ტაძრებსა და სამრეკლოების გუმბათებს, ხოლო როცა დაასრულებენ მთავარს, ანტიქრისტეც გამეფდება. ილოცეთ, რათა უფალმა ეს დრო გაგვიხანგრძლივოს განსამტკიცებლად: საშინელი დროება გველოდება. ტაძრების რესტავრაცია ანტიქრისტეს გამეფებამდე გაგრძელდება და არნახული ბრწყინვალება იქნება მათში.
- და ხედავთ, მთელი ეს მზაკვრობა როგორ მზადდება? ტაძრებში გარეგანი ბრწყინვალება იქნება, მაგრამ იქ სიარული არ შეიძლება, რამეთუ მათში უსისხლო მსხვერპლი აღარ შეიწირება. ის იქნება არა ეკლესია, არამედ `შესაკრებელი ეშმაკისაი~ (გამოცხადება 2; 9)! ასეთ ტაძრებში სიარული არ შეიძლება: მათში მადლი არ იქნება!
ანტიქრისტე მეფედ იერუსალიმის ბრწყინვალედ აღდგენილ ტაძარში იკურთხება და მის კურთხევაში რუსეთის პატრიარქი და სამღვდელოებაც მიიღებს მონაწილეობას. იმხანად იერუსალიმში მიმოსვლა დაუბრკოლებლად შეიძლება ყველასთვის, მაგრამ თქვენ ეცადეთ, არ გაემგზავროთ, რადგა ყველაფერი იქნება გაკეთებული `ცთუნებამდე~ (მათე, 24; 24), მოსახიბლად! ანტიქრისტე ვითომცდა ქალწულისაგან წარმოსდგება, სინამდვილეში კი იგი მრუში იქნება ებრაელთა დანის ტომიდან. ანტიქრისტე დაუფლებული იქნება სატანის მთელ ეშმაკურ მანქანებას და ცრუ-სასწაულებს მოახდენს. მას მოუსმენს და იხილავს მთელი მსოფლიო. თავისიანებს იგი სატანის ბეჭდით დატვიფრავს. სიძულვილი ექნება მართლმადიდებლური რუსეთის მიმართ.
ღირსმა ლავრენტიმ ერთ დიაკონს, რომელიც ახლა უკვე მოხუცებულია, პირდაპირ უთხრა:
- შენ მოესწრები ანტიქრისტეს გამოჩენას! ნუ შეშინდები, ყველას ამცნე, რომ იგი ანტიქრისტეა! იქნება ომი და სადაც ის გაივლის, იქ ადამიანები აღარ იქნებიან! მანამდე უფალი უძლურებს ავადმყოფობებს გამოუგზავნის და ისინი მოკვდებიან, ხოლო ანტიქრისტეს დროს სიკვდილი არ იქნება. მესამე მსოფლიო ომი იქნება უკვე არა სინანულისათვის, არამედ გასაჟლეტად. ყველაზე ძლიერთ კი უფალი თავის შესახვედრად დატოვებს.
... დადგება დრო, როდესაც იქნება `ბრძოლანი და ჰამბავნი ბრძოლათანი~ და გაჩაღდება მსოფლიო ომი. შუა ომში იტყვიან: მოდით, ერთი ამოვირჩიოთ და მან მართოს მთელი ქვეყანა. აირჩევენ კიდეც! ანტიქრისტეს როგორც საყოველთაო მმართველს და დედამიწაზე უმთავრეს `მშვიდობისმყოფელს~ ამოირჩევენ. ყურადღებით უნდა დავაკვირდეთ და ფხიზლად ვიყოთ! როგორც კი მთელს ქვეყანაზე საყოველთაო არჩევნები გამოცხადდება, იცოდეთ, რომ იგი ანტიქრისტეა და ხმის მიცემა არ შეიძლება!
ბოლო ჟამს ადამიანები დემონებით აივსებიან და ისინი არც ილოცებენ და არც პირჯვარს გამოისახავენ, მხოლოდ ერთმანეთის დახოცვა ედებათ გულში. დემონები ეცდებიან, რაც შეიძლება მეტი ადამიანი იყოს შეპყრობილი კაცისკვლის ჟინით. თვით სატანა კი ამოვა რა ტარტაროზიდან, თორმეტი წლის ბიჭუნაში შევა, რომელიც შემდგომში ანტიქრისტე იქნება და მთავარი სულთამხუთავი.
რუსები ბოლო ჟამს მოინანიებენ სასიკვდინე ცოდვებს: ებრაელ-მასონთა უსჯულოება რომ დაუშვეს და არ დაიცვეს ღვთის ცხებული მეფე, ეკლესია-მონასტრები და სხვა სიწმინდეები. რომ მოიძაგეს ღვთისმოსაობა და შეიყვარეს საეშმაკო უკეთურება. იქნება სულიერი აფეთქება და რუსეთი ყველა სლავ ხალხებთან და ქვეყნებთან ერთად შეჰქმნის ძლიერ სამეფოს, რომელსაც სათავეში ეყოლება მართლმადიდებელი ღვთივცხებული მეფე (იმეფებს ორი წელი და რვა თვე). მისი დამსახურებით რუსეთში ყველა სექტა და სქიზმა გაქრება. მართლმადიდებელ ეკლესიაზე დევნა არ იქნება. მაცხოვარი რუსეთს შეიწყალებს, რამეთუ მასში ანტიქრისტეს საშინელი წინა პერიოდი უკვე იყო. რუსი მართლმადიდებელი მეფის შიში თვით ანტიქრისტესაც ექნება. ყველა სხვა ქვეყანა კი, გარდა რუსეთისა და სლავური მიწებისა, ანტიქრისტეს ძალაუფლების ქვეშ მოექცევა და ყველა იმ საშინელებათა და სატანჯველის გადატანა მოუწევთ, რაც წმ. წერილშია აღწერილი. რუსეთში კი სარწმუნოების აყვავება იქნება და ზეიმი, თუმცა ხანმოკლე დროით, რამეთუ მოვა საშინელი მსაჯული განსჯად ცოცხალთა და მკვდართა... ღმრთისმშობლის წილხვედრ ივერიაშიც იქნება დევნა, მაგრამ მცირე ხნით, როგორც ასეთი, ანტიქრისტე იქ ვერ გამეფდება, საყდარს ვერ განიმტკიცებს.
ნეტარი და სამგზის ნეტარია ადამიანი, რომელიც არ ისურვებს და არც იხილავს ანტიქრისტეს ღვთივსაძულველ სახეს. ვინც მას უყურებს და მოუსმენს მის ღვთისმგმობ ლაპარაკს, ყველა მიწიერი სიკეთის აღთქმით (დაპირებით), მოიხიბლება და თაყვანს სცემს მას, რის გამოც მასთან ერთად წავა საუკუნო ცეცხლში!
- ეს როგორ მოხდება? - დაეკითხნენ ღირს ლავრენტის დედები. მოძღვარი ატირდა და სთქვა:
- წმინდა ადგილას დადგება საძაგელი მოოხრებისა და ამ სოფლის მაცდურნი ღვთისუარმყოფელ ადამიანებს ცრუ ნიშ-სასწუალებით მოხიბლავენ. მათ შემდეგ გამოჩნდება ანტიქრისტე! მთელი ქვეყანა ერთდროულად იხილავს მას.
ლავრენტის კვლავ დაეკითხებიან: სად წმინდა ადგილას, ეკლესიაში?
ამაზე უპასუხა:
არა ეკლესიაში, არამედ ჩვენთან სახლში! უწინ კუთხეში მაგიდა იდგა წმ. ხატებით, შემდეგ კი მაცთურ ყუთს* დადგამენ ადამიანების მოსახიბლად. მრავალი ჭეშმარიტებისა გზისაგან შეცდომილი იტყვის: ჩვენ გვსურს მოვუსმინოთ ახალ ამბებს. აი, სწორედ ახალ ამბებში წარმოსდგება ანტიქრისტე და ისინიც გაჰყვებიან მას.
<><><><><><><><><><><><><><><><><><><><><><><><><><><><>
საზვერეები და მათი თანმიმდევრობა ზედმიწევნით არის აღწერილი ღირსი დედა თეოდორას ნაამბობში. როდესაც მან დედამიწაზე თავისი უსულო სხეული დატოვა ორი წმინდა ანგელოზის თანხლებით იწყო აღსვლა ჰაერში აღმოსავლეთის მიმართულებით. აღსვლისას მას I საზვერეს ბნელი სულები შეხვდნენ სადაც განიკითხება ადამიანის შეცოდებანი სიტყვით როგორებიცაა: უქმადმეტყველება, ბილწსიტყვაობა, დაცინვა, გაცინვა, ვნებიანი სიმღერების მღერა, უჯერო შეძახილი და სიცილი და სხვა ამდაგვარი. ხშირად ადამიანი ამ ცოდვებს არად აგდებს არ ინანიებს ღმრთისა და სულიერი მამის წინაშე. მაგრამ უფალმა ნათლად თქვა: " ყოველი სუტყუაი უქმი რომელსა იტყოდიან კაცნი, მისცენ სიტყუაი მისთვის დღესა მას სასჯელისასა. რამეთუ სიტყუათაშენთაგან გაჰმართლდე და სიტყუატა შენთაგან დაისაჯო!". დემონებმა სასტიკად დაადანაშაულეს სული, წარუდგინეს ყველა მისი სიტყვიერი შეცოდება თვით სიყრმიდან მოყოლებული. ანგელოზები ეპაექრებოდნენ მათ და ცოდვებს სულის მიერ ჩადენილ კეთილ საქმეებს უპირისპირებდნენ. ამგვარად ამ საზვერეში დახსნილმა თეოდორამ განაგრძო სვლა ზევით და მიუახლოვდა II - სიცრუის საზვერეს. სადაც განიკითხება ყოველგვარი სიცრუე, ფიცის დარღვევა, ღმრთის სახელის ამაოდ ხმობა, ღმერთისადმი მიცემული აღთქმის დარღვევა, აღსარებაზე მოძღცრის წინაშე ცოდვების დამალვა და სხვა.
აქედანაც დახსნილმა მან III ცილისწამების საზვერეს მაღწია, სადაც განიკითხება მოყვასის ცილისწამება, განკითხვა, სეურაწყოფა, აპატიოყოფა, მისი ლანძღვა და დაცინვა, საკუთარი ცოდვების ნაკლოვანების დავიწყება და უყურადღებობა მათ მიმართ. ამ ცოდვებში ჩავარდნილთ მკაცრი განმკითხველნი გასაკუთრებული სიმძაფრით განიკითხავენ, როგორ ანტიქრისტეებს რომელტაც მიიტაცეს ქრისტეს ღირსება და შეიქმნენ მოყვასის მსაჯულნი და წარმწყმენდნი.
IV გემოთმოყვარეობის საზვერეში განიკითხება გემოთმოყვარეობა, მემთვრალეობა, უდროო და მალული ჭამა-სმა, ულოცველად ჭამა,მარხვის დარღვევა,სიმაძღრე და ყველაფერი მუცლის მაამებლობა.
ამ საზვერიდან თავის დაღწევის შემდეგ თეოდორა გამხნევდა და ანგელოზებს უთხრა; ვგონებ დედამიწაზე მცხოვრებთაგან არავინ უწყის რაც ხდება აქ და არც ის თუ რა ელისცოდვილ სულს სიკვდილის შემდეგ.ანგელოზებმა მიუგეს განა ამას არ გვეუბნება ღმრთის სიტყვა რომელიც ყოველდღიურად იკითხება ეკლესიებში და იქადაგება ღვთის მსახურთა მიერ? მაგრა მიწიერისაზრუნავიტ გატაცებულნი ყურად არ იღებენ ღმრთის სიტყვას! არ ისმენენ წმინდა წერილის სიტყვებს რომელიც ამბობაას: "ვაი თქუენდა გამაძღარნო, რამეთუ გშიის აწ!" მოწყალება სიკვდილისგან იხსნის კაცს და გაწმენდს ყოველგვარი ცოდვისაგან!მოსწყალების გამრებნი და სიმართლის მყოფელნი სიცოცხლით აღივსებიან! ვინც არ ცდილობს მოწყალების გაღებით განიწმინდოს, შეუძლებელია სალმობლების გარეშე გაექცეს საზვერავებს მათ იტაცებენ მეზვერეები და ჩაჰყავტ სასტიკი ჯოჯოხეთის უკუნ უფსკრულში და იქ ჰყავთ დატყვევებული ქრისტეს საშინელ სამსჯავრომდე!
ამგვარი საუბრით მათ მიაღწიეს V მცონარების საზვერეს. იქ სიზარმაცეში, ღმერთის სამსახურისადმი დაუდევრად გატარებული ყოველი დღე და საათი დათვლილი, იქ განიკითხება სასოწარკვეთილება, ლოცვების გამოტოვება შინ და ეკლესიაში მცონარებით, ღმრთისადმი დაუდევრობით და გულგრილობის გამო. იქ განიკითხებიან მუქთახორები,რომელნიც სხვისი შრომით იკვებებიან თავად კი არ სურთ იშრომონ, ვინც გასამრჯელოს კი იღებს მარა თავის მოვალეობას არ ასრულებს.
ამ საზვერეს მოჰყვა VI ქურდობის საზვერე
სადაც განიხილება ყოველგვარი მტაცებლობა და ქურდობა, შემდეგ ვერცხლის მოყვარეობის და სიძუნწის VII საზვერე მერე ანგარების VIII საზვერე სადაც განიკითხავენ სხვისი საკუთრების მიმთვისებელთ, მექრთამეებს და ა.შ... შემდეგ IX უსამართლობის საზვერეა სადაც მხილებული იქნებიან უსამართლო მსაჯულნი, რომელნიც მიკერძოებით ან სასყიდელის მოლოდინით სჯიდნენ! უდანაშაულოთ ადანაშაულებდნენ და დამნაშავეებს ამართლებდნენ. შემდეგ X საზვერეა შურიანობის. აქ განიკითხავენ ამ საშინელ ვნებას აყოლილნი, უფრო ზემოთაა XI ამპარტავნების საზვერე სადას გოროზი სულები შეურამწყოფით განიკითხებიან, ამპარტავნებას, შეურაწყოფას, ტავის განდიდებას, მსობლებისთვის სასულიერო და საერო ხელისუფლებისთვის არასატანადო პატივის მიგებას. მათ მიმართ ურჩობას.
ამის მერეა სიავისა და მძვინვარების XII საზვერე სემდეგ XIII ძვირის ხსენების საზვერე. ამ საზვერიდან თავდახსნის შემდეგ თეოდორამ ანგელოზს ჰკითხა: "გეთაყვა საიდან უწყიან ამ საშინელმა ჰაერის მცველებმა თითოეული ადამიანის ყოველი ბოროტი საქმეცხადიც და ფარულიც? ანგელოზმა მიუგო: "ჭმინდა ნათლისრებით თითოეულ ქრისტიან ღმერთისაგან დადგენილია მფარველი ანგელოზი რომელიც უხილავად იცავს მას და აიძულებს მხოლოდ კეთილი საქმე აკეთოს მტელი სიცოცხლის განმავლობაში. იგი იწერს ამ ადამიანი მიერ ჩადენილ კეთილ საქმეებს რომლის გამოც ის ზეციურ სასუფეველში ღმრთისგან მარადიულ მისაგებელს და წყალობას მიიღებს. ასევე ეშმაკიც უჩენს ერთ ბოროტ სულს ადამიანს რომელიც აქეზებს ცუდი საქმის ჩადენისკენ შემდეგ ამ ყველაფერს იწერს და შესაბამის სამსჯავროზე მიაქვს. როდესაც სული სხეულს გაეყრება იგი მიისწრაფის ზეცაში ტავის შემოქმედთან მაშინ მას ბოროტი სულები ეღობებიან და ამხელენ მის ცოდვებ ტუ კეტილი საქმე უფრო მეტი აქვს ვიდრე ბოროტი იგი თავს დააღწევს მას თუ არა და ისინი დროებით აჩერებენ და ბნელეთში აპატიმრებენ, იქ მას ტანჯავენ მანამ ღმრთის დაშვებიტ არ მიეტევებათ და სანამ სული გამოსყიდული არ იქნება საეკლესიო ლოცვებით და მოყვასის მიერ გარებული მოწყალებით. თუ სული იმდენად ცოდვილი აღმოჩდა რომ მას სამუდამო წარწყმედა ელის მაშინ მას უმალვე ჩაიყვანენ უფსკრულში სადაც სამუდამო ტანჯვისთვის აქვტ ადგილი გამზადებული მას ისინი იქ ქრისტეს მეორედ მოსვლამდე ამყოფებენ რომლის შემდგომაც სული შეუერთდება სხეულს და უკვე მასთან ერთად განაგრძობს ტანჯვას გეენის ცეცხლში.ამის შემდეგ ტეოდორამ მკვლელობის XIV საზვერეს მიაღწია სადაც მხოლოდ ავაზაკობა და მკვლელობა კი არ განიკითხება არამედ ყოველგვარი დარტყმა სილა ხელის კვრაც კი. ზემოტ მდებარეობდა XV საზვერე სადაც განიკითხებოდაეშმაკების გამოძახება, შელოცვა.
ავიდნენ რა უფრო მაღლა თეოდორამ ჰკითხა აგელოზებს: ნუტუ ყველა ქრისტიან გადის ამ ადგილებს და არავისთვისაა შესაძლებელი აიცილოს განკითხვა და შიში? ანგელოზებმა მიუგეს: ქრისტიანისთვის სულისთვის მიმავალი სხვა გზა არ არსებობს, მაგჰრამ ყველა როდი განიკითხებიან როგორც ცოდვებიტ დაცემულნი, რომელტაც არ მოინანიეს ყველა ჩადენილი სამარცხვინო საქმე. ამ საუბრით მათ XVI სიძვის საზვერეს მიუახლოვდნენ. სადაც განიკითხება ყოველგვარი სასიყვარულო საქმენი, მათი ცოდვები რომელნიც არ არიან შეკრული ცოლ-ქმრობით. განიკითხება ოცნება, ცოდვაზე თანხმობა, როდესაც თეოდორამ ამ საზვერეს მიაღწია, ბნელი სულები ძალზე გაოცდნენ იმით თუ როგორ მიაღწია მან აქამდე. შემდგომ ისინი მრუშობის XVII საზვერეს მიუახლოვდნენ სადაც განიკითხება გარყვნილბანი ვინც ცოლ-ქმრულ კავშირშია და არ იცავენ ერთგულბას. აქ მკაცრად განიკითხება გატაცება და ძალადობა მრუშობით.
შემდეგი XVIII საზვერე სოდომური ცოდვებისა, სადაც განიკითხება გაუკუღმართებული ცოდვითი კავშირები და სისხლის აღრევა. როცა მათ გალიეს საზვერე ანგელოზებმა თეოდორას უთხრეს "შენ იხილე საშინელი და სიძვის საზვერეები. უწყოდე იშვიათად ხდება რომ სულმა ისინი თავისუფლად განვლოს. ამის შემდეგ მათXIX მწვალებლობის საზვერეს მიადგნენ სადაც განიკითხება მერყეობა რწმენაში, მცდარი ბრძნობა რწმენაზე, მართლმადიდებლური რწმენიდან გადახვევა, ღვთის გმობა და ა.შ.
ამ საზვერის შემდეგ ისინი მიუახლოვდნენ ზეციურ კარიბჭეს, მაგრამ კიდევ შეხვდათ მათ უკანასკნელი XX შეუწყალებლობის საზვერე სადაც უწყალობა და სისასტიკე განიკითხება ვინც იღვაწა, იმარხულა, მუხლს იდრეკდა ლოცულობდა მაგრამ იყო შეუწყალებელი და გულდახურული მოყვასისადმი ისინი აქედან პირდაპირ ჯოჯოხეთში მოხვდებიან სამუდამოდ.
ბოლოს გამოუთქმელი სიხარულით მიუახლოვდნენ ზეციურ კარიბჭეს. იგი ბროლივით ბრწყინავდა მისგან აუღწერელი ნათება გამოდიოდა. და მზის მსგავსი ჭაბუკები იდგნენ, მათ როცა დაინახეს ღირსიროცა დაინახეს ღირსი დედა ანგელოზის თნხლებით სიხარულით აღივსნენ და უდიდესი სიყვარულით შეიყვანეს კარიბჭეში..
ელვის სისწრაფით 1 საათში გავლო ეს გზა ღირსმა მამა მარკოსზ ფრანჩესკელმა. როდესაც მისი აღსასრულის ჭამი დადგა ქერუბიმი, მისი მფარველი ანგელოზი, მავალრიცხოვანი ზეციური მხედრობის თანხლებით მისი სულის მისარქმელად გადმოხდა ეცით. მან ამაღლება იწყო მისგან შორს მდგარი ბნელი სულები საზვერეებიდან უყვიროდნენ: "მაკარ! ვითარი დიდების ღირსი შეიქმენ! თავმდაბალი მოღვაწე კი პასუხობდა: "არა! ჯერ კიდევ ვძრწი, რამეთუ არ ვუწყი აღვასრულე კი რამე სათნოება!" უფრო მაღალი საზვერეებიდან კი ჩამოსზახოდნენ: " გაგვექეცი, უკვე მაკარ!" არა პასუხობდა იგი " მე ჯერ კიდევ ვილტვი თქვენგან!" როცა უკვე მიუახლოვდა ზეცის კარიბჭეს ისინი ბოროტებისა და შურისგან გოდებდნენ " გაგვექეცი გაგვექევი მაკარ!" მან უპასუხა: მფარველობითა ძალის ქრისტესიტა ვიხსენ მე თქვენისა მანქანებისაგან!"მაკარი დიდის სვლა ზეცამდე მისმა რამოდენიმე მოწაფემ იხილა რომელნიც განსაკუთრებულად წარმატებულნი იყვნენ ღვაწლში. ხოლო მის შესახებ გვამცნო ღირსმა პაფნუტიმ რომელიც დიდი მამის შემდეგ შეიქმნა უდაბნოს წინამძღვარი.
უფლის მეორედ მოსვლისა და საშინელი სამსჯავროს დღის მოახლოების ნიშნები (მთ. 24)
უფალმა ისევ ჩვენივე ზნეობრივი სიკეთისათვის არ ინება, გაემხილა ამჟამინდელი ცისა და ქვეყნის „ბოლო ჟამის“ თარიღი, დღე ძე კაცისას მოსვლისა, „დღე უფლისა“. „დღისა მისთვის და ჟამისა არავინ იცის, არცა ანგელოზთა ცისათა, გარნა მამამან მხოლომან“ (მთ. 24,36). „არა თქუენი არს ცნობაჲ ჟამთა და წელთაჲ, რომელნი იგი მამამან დასხნა თჳსითა ხელმწიფებითა“ (საქმ. 1,7). ამ გაურკვევლობამ უნდა აიძულოს ქრისტიანები, მუდმივად ფხიზლობდნენ სულიერად: „მღვძარე იყვენით და ილოცევდით, რამეთუ არა იცით, ოდეს იყოს ჟამი იგი... რომელსა ესე გეტყჳთ თქუენ, ყოველთა გეტყჳ მღვიძარე იყვენით“ (მრკ. 13,33,37).
მაგრამ უფლისაგან დაწესებული ვადების არცოდნამ ხელი არ უნდა შეუშალოს ქრისტიანს, ფიქრებით ჩაუღრმავდეს ისტორიულ მოვლენათა მსვლელობას და მათში „ბოლო ჟამის“ მოახლოების ნიშნები ამოიცნოს. უფალი გვარიგებდა: „ხოლო ლეღვისაგან ისწავეთ იგავი: ვითარცა-იგი რაჟამს რტონი მისნი დარჩჩჳან, და ფურცელნი გამოვალნ, უწყოდით, რამეთუ ახლო არს ზაფხული“ (მთ. 24,32).
აი, საღვთო წერილში მითითებული ზოგიერთი ნიშანი:
ა. სახარების გავრცელება მთელს მსოფლიოში: „და იქადაგოს სახარებაჲ ესე სასუფევლისაჲ ყოველსა სოფელსა საწამებელად ყოველთა წარმართთა და მაშინ მოიწიოს აღსასრული“ (მთ. 24,14);
ბ. ბოროტი ძალების უჩვეულო გამოვლინება. „განმრავლებითა უსჯულოებისაჲთა განხმეს სიყვარული მრავალთაჲ“ (მთ. 24,12). პავლე მოციქღლთ ამბობს: „უკანაჲსკნელთა დღეთა მოიწინენ ჟამნი ბოროტნი: და იყუნენ კაცნი თავის მოყუარე, ვერცხლის მოყუარე, ლაღ, თავმოთნე ამპარტავან, მგმობარ, მამა-დედისა ურჩ, უმადლო, უღირს, უყუარულ... გულისთქუმის მოყუარე უფროჲს, ვიდრე ღმრთის მოყუარე. აქუნდეს ხატი ღმრთის მსახურებისაჲ ღა ძალსა მისსა უარყოფდნენ“ (2 ტიმ. 3,1-5). რწმენიწ დასუსტება: „ხოლო მო-რაჲ-ვიდეს ძე კაცისაჲ, პოვოს-მეა სარწმუნოებაჲ ქუეყანასა ზედა?“ (ლკ. 18,8);
გ. ეშმაკი წამოიწყებს ბრძოლას ქრისტეს სამეფოს წინააღმდეგ თავისი იარაღის - ანტიქრისტეს მიერ. სახელდება „ანტიქრისტე“ წმიდა წერილში ორგვარი მნიშვნელობით გამოიყენება: ზოგადი, რომელი გულისხმობს ქრისტეს ყველა მოწინააღმდეგეს (ამ გაგებით იხსენიება ანტიქრისტე წმ. იოანე ღვთისმეტყველის 1 და მე-2 ეპისტოლეებში) და განსაკუთრებული მნიშვნელობით, გარკვეული პირის - ქრისტეს მოწინააღმდეგის აღსანიშნავად, რომელიც სამყაროს აღსასრულის წინ გამოჩნდება. ანტიქრისტეს თვისებებსა და საქმეებზე ვკითხულობთ პავლე მოციქულთან: „ნუმცა ვინ გაცთუნებს თქუენ ნუ რომლითა სახითა, რამეთუ, უკუეთუ არა მოვიდეს განდგომილებაჲ იგი პირველად, და გამოჩნდეს კაცი იგი უშჯულოებისაჲ, შვილი იგი წარსაწყმედელისაჲ, მჴდომი იგი და განლაღებული ყოველთა ზედა, რომელნი სახელდებულ არიან ღმრთად გინა სამსახურებელად, ვითარმედ და-ცა-ჯდეს იგი ტაძარსა მას ღმრთისასა და გამოაჩინებდეს თავსა თჳსსა, ვითარცა ღმერთი. არა გაჴსოვსა, რამეთუ, ვიდრე-იგიღა ვიყავ თქუენ თანა, ამასვე გეტოდე თქუენ?... რამეთუ საიდუმლოჲ იგი აწვე იქმნების უსჯულოებისაჲ, გარნა ხოლო, რომელსა-ესე უპყრიეს აწ, ვიდრემდე შორს განვიდეს, და მაშინ გამოჩნდეს უშჯულოჲ იგი, რომელი-იგი უფალმან აღჴოცოს სულითა პირისა მისისაჲთა და განაქარვოს იგი გამოჩინებითა მით მოსლვისა მისისაჲთა, რომლისა-იგი მოსლვაჲ არს შეწევნითა ეშმაკისაჲთა, ყოვლითავე ძალითა და ნიშებითა სასწაულებითა ტყუილისაჲთა და ყოვლითავე საცთურითა სიცრუისაჲთა წარწყმედულთა მათ შორის, რამეთუ ვინაითგან სიყუარული იგი ჭეშმარიტებისაჲ არა შეიწყნარეს, რაითამცა ცხონდნეს იგინი, ამისთჳს მოუვლინოს მათ ღმერთმან შემწე საცთურებისაჲ, რაჲთა რწმენეს მათ ტყუვილისაი“ (2 თეს. 2,3-11). ღვთის ამ მოწინააღმდეგის სახეს აგრეთვე აღწერს დანიელ წინასწარმეტყველი თავის გამოცხადებაში (თავ. 11-13). ანტიქრისტე იმოქმედებს სამსჯავროს დღემდე (2 თეს. 2,8). ანტიქრისტეს პიროვნების თვისებებსა და მოქმედების სავარაუდო ფორმებს ზედმიწევნით აღწერენ წმ. კირილე იერუსალიმელი თავის „განსასწავლ დარიგებებში“ (მე-5 და მე-15) და ღირსი ეფრემ ასური ნაშრომში „სიტყვა უფლისა და ანტიქრისტეს მოსვლის შესახებ“;
დ. იოანე ღვთისმეტყველის გამოცხადებაში მითითებულია ანტიქრისტეს მოღვაწეობის ეპოქაში „ორი მოწმის“ გამოჩენა, რომლებიც იწინასწარმყტყველებენ ჭეშმარიტებას, მოახდენენ სასწაულებს და „რაჟამს აღასრულონ წამებაჲ მათი ... მოკლნეს იგინი ... შემდგომად სამისა მის და ნახევარისა დღისა... აღდგეს ფერჴთა ზედა მათთა... და აღვიდეს ზეცად“ (გამოცხ. 11, 3-12)
|
|
კატეგორია: ქართულად-ge |
ნანახია: 2258 |
დაამატა: maisa
| რეიტინგი: 0.0/0 |
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] |
|
 | |  |
|
| ძებნა |
|
|
| კალენდარი |
|
|
| ჩანაწერების არქივი |
|
|
| საიტის მეგობრები |
|
|
|
