რამდენიმე დღის წინ, კათოლიკოს-პატრიარქის, უწმინდესისა და უნეტარესის, ილია მეორის წინააღმდეგ ინტერნეტით გავრცელებული შეურაცხმყოფელი ვიდეო-რგოლების გამო, დღეს საპატრიარქომ საგანგებო განცხადება გააკეთა. საგანგებო ბრიფინგი საპატრიარქოს პრეს-სამსახურის ხელმძღვანელმა, მამა დავით შარაშენიძემ გამართა.
“ქრისტიანობა ქართული სახელმწიფოსთვის გამაერთიანებელ ძალას და იდეოლოგიურ საყრდენს წარმოადგენს და ამიტომ მას ებრძვიან.
პატრიარქის და ეკლესიის წინააღმდეგ წარმოებული ინფორმაციული კამპანია მიზნად ისახავს ეკლესიისადმი უნდობლობის დანერგვას, რათა შემდეგ ადვილად მოშალონ ქართული სახელმწიფოს საფუძვლები, ჩვენი ფუნდამენტური ღირებულებები და საქართველოს მომავალი ქართული ტრადიციებისთვის უცხო და მიუღწეველ წესებზე დაამყარონ”, - ნათქვამია განცხადებაში.
მართლმადიდებლური ეკლესია მოუწოდებს მრევლ, გააძლიეროს ლოცვა და შეინარჩუნოს სიმშვიდე.
საპატრიარქო აცხადებს, რომ სასულიერო პირების ჩართვა პოლემიკაში მტრული ძალების მიერ დაგეგმილი პროვოკაციის ნაწილია და ამას საზოგადოება არ უნდა აჰყვეს.
საპატრიარქო მიმართავს საზოგადოებრივ მაუწყებელს ინიციატივით, რომ საპატრიარქოს მიერ შეთავაზებულ საზოგადოების წარმომადგენლებს პირდაპირ ეთერში პასუხის გაცემის საშუალება მიეცეთ.
